Durante o mes de febreiro poderán producirse algunhas modificacións nas actividades dirixidas por cuestións organizativas da instalación.
Algunhas clases poderán ser substituídas ou, nalgúns casos, canceladas.
Podedes ver todos os cambios actualizados na aplicación de reservas.
CONDICIÓNS DE RESERVA
AS ACTIVIDADES PODEN RESERVARSE 24 HORAS ANTES.
LIMITACIÓN DE RESERVAS:
POR DIA: 2 clases
POR ACTIVIDADE:
Pilates- 2 á semana
Ioga- 2 á semana
Baile- 2 á semana
Fit pump- 2 á semana
Dende o CENTRO DEPORTIVO CASTRILLÓN, queremos pedir a vosa colaboración.
Se reservades unha actividade e finalmente non podedes asistir, rogamos previa cancelación para que outros usuarios poidan reservar.
PENALIZACIÓN POR FALTA DE ASISTENCIA:
Aplicarase unha penalización a aquelas persoas que teñan 2 faltas de asistencia nos últimos 4 días.
Penalización: Non poder facer reservas de actividades durante 4 días.
Por respeto aos monitores, usuarios, e pola vosa seguridade, non se poderá entrar ás clases dirixidas despóis de 5 minutos do comezo da actividade.
Por outra banda, antes de comezar a clase, o monitor pasará lista, e os usuarios que non estén presentes nese momento terán unha falta de asistencia.
Se non hai un mínimo de 5 usuarios, a actividade será cancelada unha hora antes.
GRAZAS POLA VOSA COLABORACIÓN!
IMPORTANTE: Respecto ás intensidades das actividades dirixidas.
No noso centro deportivo esforzámonos por ofrecer un servizo de calidade e garantir a seguridade de todos os usuarios. Para iso, é fundamental que cada persoa escolla as actividades axeitadas á súa condición física e respecte a intensidade establecida para cada clase.
As nosas actividades dirixidas están clasificadas en catro intensidades:
✅ Baixa: Clases suaves, ideais para iniciarse ou para persoas con limitacións físicas.
✅ Media: Actividades cun traballo moderado, axeitadas para persoas con certa base de exercicio.
✅ Alta: Sesións que requiren unha boa condición física e dominio técnico dos exercicios.
✅ Moi alta: Clases de alta esixencia, recomendadas só para persoas habituadas ao exercicio intenso.
Por que é importante respectar a intensidade das clases?
➡ Para que os monitores poidamos impartir as sesións con seguridade e sen interrupcións.
➡ Para evitar posibles lesións en persoas que non teñen a preparación adecuada.
➡ Para que cada usuario poida aproveitar ao máximo a actividade, adaptada ao seu nivel.
O noso papel como monitores:
Non podemos prohibir a entrada a ninguén, pero si temos a responsabilidade de supervisar e asegurarnos de que cada persoa estea na clase máis axeitada. En ocasións, atopámonos con situacións complexas, como ter que recomendar a alguén que cambie de actividade para garantir a súa seguridade e benestar. Aínda que non sempre é doado, facémolo co obxectivo de evitar riscos e de que cada sesión se desenvolva da mellor maneira posible para todas as persoas participantes.
Exemplos concretos:
➡ Pilates avanzado: Esta clase inclúe exercicios complexos que implican o control total do corpo e da columna vertebral. Se unha persoa non ten a forza, a mobilidade ou a técnica necesaria, pode lesionarse facilmente. Por iso, non é unha actividade recomendable para todo o mundo.
➡ Tonificación dirixida: Trátase dunha actividade de alta intensidade, onde é imprescindible executar os exercicios de maneira correcta para evitar lesións. Se aínda non dominas a técnica ou non tes a resistencia suficiente, recomendamos que primeiro asistas a Acondicionamento Físico, unha actividade máis progresiva que che axudará a fortalecer o corpo antes de dar o seguinte paso.
Que podes facer se non estás seguro de que clase escoller?
Se tes dúbidas sobre cal é a mellor actividade para ti, consulta cos monitores. Estamos aquí para axudarche a escoller a opción máis axeitada segundo o teu nivel e obxectivos.
Agradecemos moito a vosa comprensión e colaboración para que todos poidamos gozar dunhas actividades seguras, ben organizadas e adaptadas ás necesidades de cada usuario.
Moitas grazas!
